פסוקים על Public Prayer: David

10 פסוקים · 21 היבטים

פסוקים על David

  1. 1 דִּבְרֵי הַיָּמִים כ״ט:י׳

    ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם׃

  2. 1 דִּבְרֵי הַיָּמִים כ״ט:י״א

    לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש׃

  3. 1 דִּבְרֵי הַיָּמִים כ״ט:י״ב

    והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל׃

  4. 1 דִּבְרֵי הַיָּמִים כ״ט:י״ג

    ועתה אלהינו מודים אנחנו לך ומהללים לשם תפארתך׃

  5. 1 דִּבְרֵי הַיָּמִים כ״ט:י״ד

    וכי מי אני ומי עמי כי נעצר כח להתנדב כזאת כי ממך הכל ומידך נתנו לך׃

  6. 1 דִּבְרֵי הַיָּמִים כ״ט:ט״ו

    כי גרים אנחנו לפניך ותושבים ככל אבתינו כצל ימינו על הארץ ואין מקוה׃

  7. 1 דִּבְרֵי הַיָּמִים כ״ט:ט״ז

    יהוה אלהינו כל ההמון הזה אשר הכיננו לבנות לך בית לשם קדשך מידך היא ולך הכל׃

  8. 1 דִּבְרֵי הַיָּמִים כ״ט:י״ז

    וידעתי אלהי כי אתה בחן לבב ומישרים תרצה אני בישר לבבי התנדבתי כל אלה ועתה עמך הנמצאו פה ראיתי בשמחה להתנדב לך׃

  9. 1 דִּבְרֵי הַיָּמִים כ״ט:י״ח

    יהוה אלהי אברהם יצחק וישראל אבתינו שמרה זאת לעולם ליצר מחשבות לבב עמך והכן לבבם אליך׃

  10. 1 דִּבְרֵי הַיָּמִים כ״ט:י״ט

    ולשלמה בני תן לבב שלם לשמור מצותיך עדותיך וחקיך ולעשות הכל ולבנות הבירה אשר הכינותי׃