פסוקים על Philippi

47 פסוקים · 4 היבטים

פסוקי מפתח

סינון לפי ספר
  1. מַעֲשֵׂי הַשְּׁלִיחִים ט״ז:י״ב

    ומשם אל פילפי ראשית ערי הפלך של מקדוניא והיא בת חורין ונשב בעיר הזאת ימים אחדים׃

  2. מַעֲשֵׂי הַשְּׁלִיחִים ט״ז:י״ג

    וביום השבת יצאנו אל מחוץ לעיר אל יד הנהר אשר שם מקום תפלה כמנהגם ונשב ונדבר אל הנשים הנקהלות שמה׃

  3. מַעֲשֵׂי הַשְּׁלִיחִים ט״ז:י״ד

    ואשה יראת אליהם ושמה לודיא מכרת ארגמן מעיר תיאטירא שמעה ויפתח יהוה את לבה להקשיב אל דברי פולוס׃

  4. מַעֲשֵׂי הַשְּׁלִיחִים ט״ז:ט״ו

    ותטבל היא ובני ביתה ותבקש ממנו לאמר אם חשבתם אתי נאמנה לאדון באו נא אל ביתי ושבו בו ותפצר בנו׃

  5. מַעֲשֵׂי הַשְּׁלִיחִים ט״ז:ט״ז

    ויהי בלכתנו למקום התפלה ותפגע בנו שפחה בעלת אוב אשר עשתה הון רב לאדניה בקסמיה׃

  6. מַעֲשֵׂי הַשְּׁלִיחִים ט״ז:י״ז

    ותלך אחרי פולוס ואחרינו הלוך וקרוא לאמר האנשים האלה עבדי אל עליון המה המודיעים אתנו ארח הישועה׃

  7. מַעֲשֵׂי הַשְּׁלִיחִים ט״ז:י״ח

    וכן עשתה ימים רבים וירע בעיני פולוס הדבר הזה ויפן ויאמר אל הרוח אנכי מצוך בשם ישוע המשיח לצאת ממנה ויצא בשעה ההיא׃

  8. מַעֲשֵׂי הַשְּׁלִיחִים ט״ז:י״ט

    ויראו אדניה כי אזלה תוחלת בצעם ויתפשו את פולוס ואת סילא ויסחבום אל הרחוב לפני זקני העיר׃

  9. מַעֲשֵׂי הַשְּׁלִיחִים ט״ז:כ׳

    ויביאום אל השרים ויאמרו האנשים האלה עכרים את עירנו והם יהודים׃

  10. מַעֲשֵׂי הַשְּׁלִיחִים ט״ז:כ״א

    ומודיעים חקות אשר לא נכון לנו לקבלם ולעשתם כי רומיים אנחנו׃

  11. מַעֲשֵׂי הַשְּׁלִיחִים ט״ז:כ״ב

    ויקם גם העם עליהם והשרים קרעו את בגדיהם מעליהם ויצוו להכותם בשוטים׃

  12. מַעֲשֵׂי הַשְּׁלִיחִים ט״ז:כ״ג

    ויהי אחרי הכות אתם מכה רבה וישליכום במשמר ויצוו את שומר האסורים לשמרם היטב׃

  13. מַעֲשֵׂי הַשְּׁלִיחִים ט״ז:כ״ד

    והוא כאשר צוה כן השליכם בחדר המשמר הפנימי וישם את רגליהם בסד׃

  14. מַעֲשֵׂי הַשְּׁלִיחִים ט״ז:כ״ה

    ויהי כחצות הלילה ויתפללו פולוס וסילא ויזמרו לאלהים והאסורים מקשיבים אליהם׃

  15. מַעֲשֵׂי הַשְּׁלִיחִים ט״ז:כ״ו

    ופתאם היה רעש גדול עד אשר זעו מוסדות בית הכלא וכרגע נפתחו כל הדלתות ומוסרות כלם נתקו׃

  16. מַעֲשֵׂי הַשְּׁלִיחִים ט״ז:כ״ז

    ושומר האסורים נעור משנתו ויהי כראתו את דלתות המשמר נפתחות וישלף חרבו ויבקש לאבד את עצמו בחשבו כי ברחו האסורים׃

  17. מַעֲשֵׂי הַשְּׁלִיחִים ט״ז:כ״ח

    ויקרא פולוס בקול גדול לאמר אל תעש לך מאומה רע כי פה אנחנו כלנו׃

  18. מַעֲשֵׂי הַשְּׁלִיחִים ט״ז:כ״ט

    וישאל נרות וידלג פנימה והוא מרעיד ויפל לרגלי פולוס וסילא׃

  19. מַעֲשֵׂי הַשְּׁלִיחִים ט״ז:ל׳

    ויוציאם החוצה ויאמר אדני מה עלי לעשות למען אושע׃

  20. מַעֲשֵׂי הַשְּׁלִיחִים ט״ז:ל״א

    ויאמרו האמן באדון ישוע המשיח ותושע אתה וביתך׃

  21. מַעֲשֵׂי הַשְּׁלִיחִים ט״ז:ל״ב

    ויגידו לו את דבר יהוה ולכל אשר בביתו׃

  22. מַעֲשֵׂי הַשְּׁלִיחִים ט״ז:ל״ג

    ויקחם בלילה בשעה ההיא וירחץ את חבורתיהם וימהר להטבל הוא וכל אשר לו׃

  23. מַעֲשֵׂי הַשְּׁלִיחִים ט״ז:ל״ד

    ויעלם אל ביתו וישם שלחן לפניהם ויגל עם כל ביתו על היותו מאמין באלהים׃

  24. מַעֲשֵׂי הַשְּׁלִיחִים ט״ז:ל״ה

    ובחית הבקר שלחו השרים את השוטרים לאמר שלח את האנשים ההם׃

  25. מַעֲשֵׂי הַשְּׁלִיחִים ט״ז:ל״ו

    ויגד שמר האסורים לפולוס את הדברים האלה לאמר שלחו השרים לפטר אתכם ועתה צאו ולכו בשלום׃