פסוקים על Perfection

¶ ויהי אברם בן תשעים שנה ותשע שנים וירא יהוה אל אברם ויאמר אליו אני אל שדי התהלך לפני והיה תמים׃

ושמרתם לעשות כאשר צוה יהוה אלהיכם אתכם לא תסרו ימין ושמאל׃

תמים תהיה עם יהוה אלהיך׃

וחזקתם מאד לשמר ולעשות את כל הכתוב בספר תורת משה לבלתי סור ממנו ימין ושמאול׃

והיה לבבכם שלם עם יהוה אלהינו ללכת בחקיו ולשמר מצותיו כיום הזה׃

ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃

ולשלמה בני תן לבב שלם לשמור מצותיך עדותיך וחקיך ולעשות הכל ולבנות הבירה אשר הכינותי׃

כי יחטאו לך כי אין אדם אשר לא יחטא ואנפת בם ונתתם לפני אויב ושבום שוביהם אל ארץ רחוקה או קרובה׃

אם אצדק פי ירשיעני תם אני ויעקשני׃

תם אני לא אדע נפשי אמאס חיי׃

האל המאזרני חיל ויתן תמים דרכי׃

תורת אלהיו בלבו לא תמעד אשריו׃

שמר תם וראה ישר כי אחרית לאיש שלום׃

אשכילה בדרך תמים מתי תבוא אלי אתהלך בתם לבבי בקרב ביתי׃

אשרי שמרי משפט עשה צדקה בכל עת׃

¶ אשרי תמימי דרך ההלכים בתורת יהוה׃

אשרי נצרי עדתיו בכל לב ידרשוהו׃

אף לא פעלו עולה בדרכיו הלכו׃

אז לא אבוש בהביטי אל כל מצותיך׃

לכל תכלה ראיתי קץ רחבה מצותך מאד׃

יהוה יגמר בעדי יהוה חסדך לעולם מעשי ידיך אל תרף׃

כי ישרים ישכנו ארץ ותמימים יותרו בה׃

וארח צדיקים כאור נגה הולך ואור עד נכון היום׃

כי אדם אין צדיק בארץ אשר יעשה טוב ולא יחטא׃

אשרי הרעבים והצמאים לצדקה כי הם ישבעו׃