פסוקים על Net: Figurative

21 פסוקים · 6 היבטים

פסוקים על Figurative

אִיּוֹב י״ח:ח׳
כי שלח ברשת ברגליו ועל שבכה יתהלך׃
אִיּוֹב י״ט:ו׳
דעו אפו כי אלוה עותני ומצודו עלי הקיף׃
תְהִלִּים ט׳:ט״ו
טבעו גוים בשחת עשו ברשת זו טמנו נלכדה רגלם׃
תְהִלִּים י׳:ט׳
יארב במסתר כאריה בסכה יארב לחטוף עני יחטף עני במשכו ברשתו׃
תְהִלִּים כ״ה:ט״ו
עיני תמיד אל יהוה כי הוא יוציא מרשת רגלי׃
תְהִלִּים ל״א:ד׳
תוציאני מרשת זו טמנו לי כי אתה מעוזי׃
תְהִלִּים ל״ה:ז׳
כי חנם טמנו לי שחת רשתם חנם חפרו לנפשי׃
תְהִלִּים ל״ה:ח׳
תבואהו שואה לא ידע ורשתו אשר טמן תלכדו בשואה יפל בה׃
תְהִלִּים נ״ז:ו׳
רשת הכינו לפעמי כפף נפשי כרו לפני שיחה נפלו בתוכה סלה׃
תְהִלִּים ס״ו:י״א
הבאתנו במצודה שמת מועקה במתנינו׃
תְהִלִּים ק״מ:ה׳
טמנו גאים פח לי וחבלים פרשו רשת ליד מעגל מקשים שתו לי סלה׃
תְהִלִּים קמ״א:י׳
יפלו במכמריו רשעים יחד אנכי עד אעבור׃
מִשְׁלֵי י״ב:י״ב
חמד רשע מצוד רעים ושרש צדיקים יתן׃
מִשְׁלֵי כ״ט:ה׳
גבר מחליק על רעהו רשת פורש על פעמיו׃
קֹהֶלֶת ז׳:כ״ו
ומוצא אני מר ממות את האשה אשר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד בה׃
קֹהֶלֶת ט׳:י״ב
כי גם לא ידע האדם את עתו כדגים שנאחזים במצודה רעה וכצפרים האחזות בפח כהם יוקשים בני האדם לעת רעה כשתפול עליהם פתאם׃
יְשַׁעְיָהוּ י״ט:ח׳
ואנו הדיגים ואבלו כל משליכי ביאור חכה ופרשי מכמרת על פני מים אמללו׃
יְחֶזְקֵאל כ״ו:ה׳
משטח חרמים תהיה בתוך הים כי אני דברתי נאם אדני יהוה והיתה לבז לגוים׃
יְחֶזְקֵאל כ״ו:י״ד
ונתתיך לצחיח סלע משטח חרמים תהיה לא תבנה עוד כי אני יהוה דברתי נאם אדני יהוה׃
יְחֶזְקֵאל מ״ז:י׳
והיה יעמדו עליו דוגים מעין גדי ועד עין עגלים משטוח לחרמים יהיו למינה תהיה דגתם כדגת הים הגדול רבה מאד׃
הוֹשֵׁעַ ז׳:י״ב
כאשר ילכו אפרוש עליהם רשתי כעוף השמים אורידם איסרם כשמע לעדתם׃