פסוקים על Joy

יהוה מנת חלקי וכוסי אתה תומיך גורלי׃

חבלים נפלו לי בנעמים אף נחלת שפרה עלי׃

שויתי יהוה לנגדי תמיד כי מימיני בל אמוט׃

לכן שמח לבי ויגל כבודי אף בשרי ישכן לבטח׃

הפכת מספדי למחול לי פתחת שקי ותאזרני שמחה׃

למען יזמרך כבוד ולא ידם יהוה אלהי לעולם אודך׃

¶ לדוד משכיל אשרי נשוי פשע כסוי חטאה׃

אשרי אדם לא יחשב יהוה לו עון ואין ברוחו רמיה׃

כמו חלב ודשן תשבע נפשי ושפתי רננות יהלל פי׃

אם זכרתיך על יצועי באשמרות אהגה בך׃

כי היית עזרתה לי ובצל כנפיך ארנן׃

אשרי העם יודעי תרועה יהוה באור פניך יהלכון׃

בשמך יגילון כל היום ובצדקתך ירומו׃

אור זרע לצדיק ולישרי לב שמחה׃

שמחו צדיקים ביהוה והודו לזכר קדשו׃

¶ מזמור לתודה הריעו ליהוה כל הארץ׃

עבדו את יהוה בשמחה באו לפניו ברננה׃

¶ אשרי תמימי דרך ההלכים בתורת יהוה׃

אשרי נצרי עדתיו בכל לב ידרשוהו׃

הזרעים בדמעה ברנה יקצרו׃

הלוך ילך ובכה נשא משך הזרע בא יבוא ברנה נשא אלמתיו׃

כי אם שנים הרבה יחיה האדם בכלם ישמח ויזכר את ימי החשך כי הרבה יהיו כל שבא הבל׃

שמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשפט׃

¶ ואמרת ביום ההוא אודך יהוה כי אנפת בי ישב אפך ותנחמני׃

הנה אל ישועתי אבטח ולא אפחד כי עזי וזמרת יה יהוה ויהי לי לישועה׃