פסוקים על Jacob: Obtains Esau's birthright for a mess of pottage

ויזד יעקב נזיד ויבא עשו מן השדה והוא עיף׃

ויאמר עשו אל יעקב הלעיטני נא מן האדם האדם הזה כי עיף אנכי על כן קרא שמו אדום׃

ויאמר יעקב מכרה כיום את בכרתך לי׃

ויאמר עשו הנה אנכי הולך למות ולמה זה לי בכרה׃

ויאמר יעקב השבעה לי כיום וישבע לו וימכר את בכרתו ליעקב׃

ויעקב נתן לעשו לחם ונזיד עדשים ויאכל וישת ויקם וילך ויבז עשו את הבכרה׃