פסוקים על Incest: Defined and forbidden

20 פסוקים · 1 היבט

פסוקים על Defined and forbidden

  1. וַיִּקְרָא י״ח:ו׳

    איש איש אל כל שאר בשרו לא תקרבו לגלות ערוה אני יהוה׃

  2. וַיִּקְרָא י״ח:ז׳

    ערות אביך וערות אמך לא תגלה אמך הוא לא תגלה ערותה׃

  3. וַיִּקְרָא י״ח:ח׳

    ערות אשת אביך לא תגלה ערות אביך הוא׃

  4. וַיִּקְרָא י״ח:ט׳

    ערות אחותך בת אביך או בת אמך מולדת בית או מולדת חוץ לא תגלה ערותן׃

  5. וַיִּקְרָא י״ח:י׳

    ערות בת בנך או בת בתך לא תגלה ערותן כי ערותך הנה׃

  6. וַיִּקְרָא י״ח:י״א

    ערות בת אשת אביך מולדת אביך אחותך הוא לא תגלה ערותה׃

  7. וַיִּקְרָא י״ח:י״ב

    ערות אחות אביך לא תגלה שאר אביך הוא׃

  8. וַיִּקְרָא י״ח:י״ג

    ערות אחות אמך לא תגלה כי שאר אמך הוא׃

  9. וַיִּקְרָא י״ח:י״ד

    ערות אחי אביך לא תגלה אל אשתו לא תקרב דדתך הוא׃

  10. וַיִּקְרָא י״ח:ט״ו

    ערות כלתך לא תגלה אשת בנך הוא לא תגלה ערותה׃

  11. וַיִּקְרָא י״ח:ט״ז

    ערות אשת אחיך לא תגלה ערות אחיך הוא׃

  12. וַיִּקְרָא י״ח:י״ז

    ערות אשה ובתה לא תגלה את בת בנה ואת בת בתה לא תקח לגלות ערותה שארה הנה זמה הוא׃

  13. וַיִּקְרָא י״ח:י״ח

    ואשה אל אחתה לא תקח לצרר לגלות ערותה עליה בחייה׃

  14. וַיִּקְרָא כ׳:י״א

    ואיש אשר ישכב את אשת אביו ערות אביו גלה מות יומתו שניהם דמיהם בם׃

  15. וַיִּקְרָא כ׳:י״ב

    ואיש אשר ישכב את כלתו מות יומתו שניהם תבל עשו דמיהם בם׃

  16. וַיִּקְרָא כ׳:י״ט

    וערות אחות אמך ואחות אביך לא תגלה כי את שארו הערה עונם ישאו׃

  17. וַיִּקְרָא כ׳:כ׳

    ואיש אשר ישכב את דדתו ערות דדו גלה חטאם ישאו ערירים ימתו׃

  18. וַיִּקְרָא כ׳:כ״א

    ואיש אשר יקח את אשת אחיו נדה הוא ערות אחיו גלה ערירים יהיו׃

  19. דְּבָרִים כ״ז:כ״ב

    ארור שכב עם אחתו בת אביו או בת אמו ואמר כל העם אמן׃

  20. דְּבָרִים כ״ז:כ״ג

    ארור שכב עם חתנתו ואמר כל העם אמן׃