פסוקים על Hail

12 פסוקים · 4 היבטים

פסוקי מפתח

  1. שְׁמֹות ט׳:י״ח

    הנני ממטיר כעת מחר ברד כבד מאד אשר לא היה כמהו במצרים למן היום הוסדה ועד עתה׃

  2. שְׁמֹות ט׳:י״ט

    ועתה שלח העז את מקנך ואת כל אשר לך בשדה כל האדם והבהמה אשר ימצא בשדה ולא יאסף הביתה וירד עלהם הברד ומתו׃

  3. שְׁמֹות ט׳:כ׳

    הירא את דבר יהוה מעבדי פרעה הניס את עבדיו ואת מקנהו אל הבתים׃

  4. שְׁמֹות ט׳:כ״א

    ואשר לא שם לבו אל דבר יהוה ויעזב את עבדיו ואת מקנהו בשדה׃

  5. שְׁמֹות ט׳:כ״ב

    ויאמר יהוה אל משה נטה את ידך על השמים ויהי ברד בכל ארץ מצרים על האדם ועל הבהמה ועל כל עשב השדה בארץ מצרים׃

  6. שְׁמֹות ט׳:כ״ג

    ויט משה את מטהו על השמים ויהוה נתן קלת וברד ותהלך אש ארצה וימטר יהוה ברד על ארץ מצרים׃

  7. שְׁמֹות ט׳:כ״ד

    ויהי ברד ואש מתלקחת בתוך הברד כבד מאד אשר לא היה כמהו בכל ארץ מצרים מאז היתה לגוי׃

  8. שְׁמֹות ט׳:כ״ה

    ויך הברד בכל ארץ מצרים את כל אשר בשדה מאדם ועד בהמה ואת כל עשב השדה הכה הברד ואת כל עץ השדה שבר׃

  9. שְׁמֹות ט׳:כ״ו

    רק בארץ גשן אשר שם בני ישראל לא היה ברד׃

  10. שְׁמֹות ט׳:כ״ז

    וישלח פרעה ויקרא למשה ולאהרן ויאמר אלהם חטאתי הפעם יהוה הצדיק ואני ועמי הרשעים׃

  11. שְׁמֹות ט׳:כ״ח

    העתירו אל יהוה ורב מהית קלת אלהים וברד ואשלחה אתכם ולא תספון לעמד׃

  12. שְׁמֹות ט׳:כ״ט

    ויאמר אליו משה כצאתי את העיר אפרש את כפי אל יהוה הקלות יחדלון והברד לא יהיה עוד למען תדע כי ליהוה הארץ׃