פסוקים על Gideon: Leads an army against, and defeats the Midianites

12 פסוקים · 14 היבטים

פסוקים על Leads an army against, and defeats the Midianites

שֹׁפְטִים ו׳:ל״ג
וכל מדין ועמלק ובני קדם נאספו יחדו ויעברו ויחנו בעמק יזרעאל׃
שֹׁפְטִים ו׳:ל״ד
ורוח יהוה לבשה את גדעון ויתקע בשופר ויזעק אביעזר אחריו׃
שֹׁפְטִים ו׳:ל״ה
ומלאכים שלח בכל מנשה ויזעק גם הוא אחריו ומלאכים שלח באשר ובזבלון ובנפתלי ויעלו לקראתם׃
שֹׁפְטִים ח׳:ד׳
ויבא גדעון הירדנה עבר הוא ושלש מאות האיש אשר אתו עיפים ורדפים׃
שֹׁפְטִים ח׳:ה׳
ויאמר לאנשי סכות תנו נא ככרות לחם לעם אשר ברגלי כי עיפים הם ואנכי רדף אחרי זבח וצלמנע מלכי מדין׃
שֹׁפְטִים ח׳:ו׳
ויאמר שרי סכות הכף זבח וצלמנע עתה בידך כי נתן לצבאך לחם׃
שֹׁפְטִים ח׳:ז׳
ויאמר גדעון לכן בתת יהוה את זבח ואת צלמנע בידי ודשתי את בשרכם את קוצי המדבר ואת הברקנים׃
שֹׁפְטִים ח׳:ח׳
ויעל משם פנואל וידבר אליהם כזאת ויענו אותו אנשי פנואל כאשר ענו אנשי סכות׃
שֹׁפְטִים ח׳:ט׳
ויאמר גם לאנשי פנואל לאמר בשובי בשלום אתץ את המגדל הזה׃
שֹׁפְטִים ח׳:י׳
וזבח וצלמנע בקרקר ומחניהם עמם כחמשת עשר אלף כל הנותרים מכל מחנה בני קדם והנפלים מאה ועשרים אלף איש שלף חרב׃
שֹׁפְטִים ח׳:י״א
ויעל גדעון דרך השכוני באהלים מקדם לנבח ויגבהה ויך את המחנה והמחנה היה בטח׃
שֹׁפְטִים ח׳:י״ב
וינוסו זבח וצלמנע וירדף אחריהם וילכד את שני מלכי מדין את זבח ואת צלמנע וכל המחנה החריד׃