פסוקים על Geology

ויאמר אלהים יקוו המים מתחת השמים אל מקום אחד ותראה היבשה ויהי כן׃

ויקרא אלהים ליבשה ארץ ולמקוה המים קרא ימים וירא אלהים כי טוב׃

או שיח לארץ ותרך ויספרו לך דגי הים׃

מי לא ידע בכל אלה כי יד יהוה עשתה זאת׃

בחלמיש שלח ידו הפך משרש הרים׃

בצורות יארים בקע וכל יקר ראתה עינו׃

מבכי נהרות חבש ותעלמה יצא אור׃

¶ לדוד מזמור ליהוה הארץ ומלואה תבל וישבי בה׃

כי הוא על ימים יסדה ועל נהרות יכוננה׃

יסד ארץ על מכוניה בל תמוט עולם ועד׃

תהום כלבוש כסיתו על הרים יעמדו מים׃

מן גערתך ינוסון מן קול רעמך יחפזון׃

יעלו הרים ירדו בקעות אל מקום זה יסדת להם׃

גבול שמת בל יעברון בל ישובון לכסות הארץ׃

המשלח מעינים בנחלים בין הרים יהלכון׃

ישקו כל חיתו שדי ישברו פראים צמאם׃

עליהם עוף השמים ישכון מבין עפאים יתנו קול׃

משקה הרים מעליותיו מפרי מעשיך תשבע הארץ׃

ונסתר מהם באשר לא יאבו לדעת כי מקדם קמו השמים והארץ בדבר אלהים מן המים ועל ידי המים׃

ובמים אבדה תבל מאז כי נשטפה במי המבול׃

גם השמים והארץ אשר לפנינו נצפנו בדברו והם שמורים לאש ליום הדין ואבד אנשי הרשע׃