פסוקים על Damascus: Paul's experiences in

21 פסוקים · 12 היבטים

פסוקים על Paul's experiences in

  1. מַעֲשֵׂי הַשְּׁלִיחִים כ״ב:ה׳

    כאשר גם יעיד עלי הכהן הגדול וכל בית הזקנים אשר מהם לקחתי מכתבים ואלך אל האחים לדמשק לאסר אף את הנמצאים שמה להביאם ירושלים למען יוסרו׃

  2. מַעֲשֵׂי הַשְּׁלִיחִים כ״ב:ו׳

    ויהי אנכי הלך וקרב לדמשק כעת צהרים ופתאם נגה עלי מסביב אור גדול מן השמים׃

  3. מַעֲשֵׂי הַשְּׁלִיחִים כ״ב:ז׳

    ואפל ארצה ואשמע קול מדבר אלי שאול שאול למה תרדפני׃

  4. מַעֲשֵׂי הַשְּׁלִיחִים כ״ב:ח׳

    ואען ואמר מי אתה אדני ויאמר אלי אני ישוע הנצרי אשר אתה רדפו׃

  5. מַעֲשֵׂי הַשְּׁלִיחִים כ״ב:ט׳

    והאנשים אשר אתי ראו את האור וייראו ואת קול המדבר אלי לא שמעו׃

  6. מַעֲשֵׂי הַשְּׁלִיחִים כ״ב:י׳

    ואמר מה אעשה אדני ויאמר אלי האדון קום לך אל דמשק ושם יאמר לך את כל אשר צוית לעשות׃

  7. מַעֲשֵׂי הַשְּׁלִיחִים כ״ב:י״א

    ואני לא יכלתי לראות מפני זהר האור ההוא והאנשים אשר אתי הוליכוני ביד ואבא לדמשק׃

  8. מַעֲשֵׂי הַשְּׁלִיחִים כ״ב:י״ב

    ואיש חסיד כפי התורה ושמו חנניה אשר קנה לו שם טוב בקרב כל היהודים הישבים שם׃

  9. מַעֲשֵׂי הַשְּׁלִיחִים כ״ב:י״ג

    ויבא אלי ויעמד ויאמר אלי שאול אחי שוב ראה ובשעה ההיא נפקחו עיני וראיתיהו׃

  10. מַעֲשֵׂי הַשְּׁלִיחִים כ״ב:י״ד

    ויאמר אלהי אבותינו בחר בך לדעת את רצונו ולראות את הצדיק ולשמע קול מפיהו׃

  11. מַעֲשֵׂי הַשְּׁלִיחִים כ״ב:ט״ו

    כי היו תהיה לו לעד אל כל בני האדם על כל אשר ראית ושמעת׃

  12. מַעֲשֵׂי הַשְּׁלִיחִים כ״ב:ט״ז

    ועתה למה תתמהמה קום והטבל והתרחץ מחטאתיך בקראך בשמו׃

  13. מַעֲשֵׂי הַשְּׁלִיחִים כ״ו:י״ב

    ויהי בלכתי על זאת לדמשק ברשיון הכהנים הגדולים ובמצותם׃

  14. מַעֲשֵׂי הַשְּׁלִיחִים כ״ו:י״ג

    והנה אדני המלך בצהרים בדרך ראיתי אור צח מזהר השמש אשר משמים נגה עלי מסביב ועל ההלכים אתי׃

  15. מַעֲשֵׂי הַשְּׁלִיחִים כ״ו:י״ד

    ונפל כלנו ארצה ואשמע קול מדבר אלי בלשון עברית לאמר שאול שאול למה תרדפני קשה לך לבעט בדרבנות׃

  16. מַעֲשֵׂי הַשְּׁלִיחִים כ״ו:ט״ו

    ואמר מי אתה אדני ויאמר אנכי ישוע אשר אתה רדף׃

  17. מַעֲשֵׂי הַשְּׁלִיחִים כ״ו:ט״ז

    אבל קום ועמד על רגליך כי לבעבור זאת נראיתי אליך לבחר בך למשרת ולעד על אשר ראית ועל אשר אראך׃

  18. מַעֲשֵׂי הַשְּׁלִיחִים כ״ו:י״ז

    בהצילי אותך מן העם ומן הגוים אשר אשלחך עתה אליהם׃

  19. מַעֲשֵׂי הַשְּׁלִיחִים כ״ו:י״ח

    לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃

  20. מַעֲשֵׂי הַשְּׁלִיחִים כ״ו:י״ט

    על כן המלך אגרפס לא המריתי את המראה אשר ראיתי מן השמים׃

  21. מַעֲשֵׂי הַשְּׁלִיחִים כ״ו:כ׳

    כי אם קראתי ראשונה לישבי דמשק וירושלים ובכל ארץ יהודה וגם לגוים כי ינחמו וישובו אל האלהים ויעשו מעשים ראוים לתשובה׃