פסוקים על Creditors: Often cruel in exacting debts

וימלך לבי עלי ואריבה את החרים ואת הסגנים ואמרה להם משא איש באחיו אתם נשאים ואתן עליהם קהלה גדולה׃

ואמרה להם אנחנו קנינו את אחינו היהודים הנמכרים לגוים כדי בנו וגם אתם תמכרו את אחיכם ונמכרו לנו ויחרישו ולא מצאו דבר׃

ויאמר לא טוב הדבר אשר אתם עשים הלוא ביראת אלהינו תלכו מחרפת הגוים אויבינו׃

חמור יתומים ינהגו יחבלו שור אלמנה׃

יטו אביונים מדרך יחד חבאו עניי ארץ׃

הן פראים במדבר יצאו בפעלם משחרי לטרף ערבה לו לחם לנערים׃

בשדה בלילו יקצירו וכרם רשע ילקשו׃

ערום ילינו מבלי לבוש ואין כסות בקרה׃

מזרם הרים ירטבו ומבלי מחסה חבקו צור׃

יגזלו משד יתום ועל עני יחבלו׃

ויצא העבד ההוא מלפניו וימצא אחד מחבריו העבדים והוא חיב לו מאה דינרים ויחזק בו ויחנקהו לאמר שלם את אשר אתה חיב לי׃

ויפל חברו לפני רגליו ויבקש ממנו לאמר הארך לי אפך ואשלמה לך הכל׃

והוא מאן וילך וישליכהו במשמר עד כי ישלם לו את חובו׃