פסוקים על Compared To Saints

ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ׃

כן יאבדו כל אויביך יהוה ואהביו כצאת השמש בגברתו ותשקט הארץ ארבעים שנה׃

כי ידע דרך עמדי בחנני כזהב אצא׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

¶ למנצח משכיל לבני קרח כאיל תערג על אפיקי מים כן נפשי תערג אליך אלהים׃

ואני כזית רענן בבית אלהים בטחתי בחסד אלהים עולם ועד׃

אם תשכבון בין שפתים כנפי יונה נחפה בכסף ואברותיה בירקרק חרוץ׃

ויסע כצאן עמו וינהגם כעדר במדבר׃

צדיק כתמר יפרח כארז בלבנון ישגה׃

המשביע בטוב עדיך תתחדש כנשר נעוריכי׃

¶ שיר המעלות הבטחים ביהוה כהר ציון לא ימוט לעולם ישב׃

ירושלם הרים סביב לה ויהוה סביב לעמו מעתה ועד עולם׃

כי יעקב בחר לו יה ישראל לסגלתו׃

¶ נסו ואין רדף רשע וצדיקים ככפיר יבטח׃

כשושנה בין החוחים כן רעיתי בין הבנות׃

שלחיך פרדס רמונים עם פרי מגדים כפרים עם נרדים׃

אל גנת אגוז ירדתי לראות באבי הנחל לראות הפרחה הגפן הנצו הרמנים׃

כרעה עדרו ירעה בזרעו יקבץ טלאים ובחיקו ישא עלות ינהל׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

וצמחו בבין חציר כערבים על יבלי מים׃

ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃

מי אלה כעב תעופינה וכיונים אל ארבתיהם׃

והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי׃

הדוד אחד תאנים טבות מאד כתאני הבכרות והדוד אחד תאנים רעות מאד אשר לא תאכלנה מרע׃

ויאמר יהוה אלי מה אתה ראה ירמיהו ואמר תאנים התאנים הטבות טבות מאד והרעות רעות מאד אשר לא תאכלנה מרע׃