פסוקים על Atheism

21 פסוקים · 2 היבטים

פסוקי מפתח

אִיּוֹב י״ב:ז׳
ואולם שאל נא בהמות ותרך ועוף השמים ויגד לך׃
אִיּוֹב י״ב:ח׳
או שיח לארץ ותרך ויספרו לך דגי הים׃
אִיּוֹב י״ב:ט׳
מי לא ידע בכל אלה כי יד יהוה עשתה זאת׃
אִיּוֹב י״ב:י׳
אשר בידו נפש כל חי ורוח כל בשר איש׃
אִיּוֹב י״ב:י״א
הלא אזן מלין תבחן וחך אכל יטעם לו׃
אִיּוֹב י״ב:י״ב
בישישים חכמה וארך ימים תבונה׃
אִיּוֹב י״ב:י״ג
עמו חכמה וגבורה לו עצה ותבונה׃
אִיּוֹב י״ב:י״ד
הן יהרוס ולא יבנה יסגר על איש ולא יפתח׃
אִיּוֹב י״ב:ט״ו
הן יעצר במים ויבשו וישלחם ויהפכו ארץ׃
אִיּוֹב י״ב:ט״ז
עמו עז ותושיה לו שגג ומשגה׃
אִיּוֹב י״ב:י״ז
מוליך יועצים שולל ושפטים יהולל׃
אִיּוֹב י״ב:י״ח
מוסר מלכים פתח ויאסר אזור במתניהם׃
אִיּוֹב י״ב:י״ט
מוליך כהנים שולל ואתנים יסלף׃
אִיּוֹב י״ב:כ׳
מסיר שפה לנאמנים וטעם זקנים יקח׃
אִיּוֹב י״ב:כ״א
שופך בוז על נדיבים ומזיח אפיקים רפה׃
אִיּוֹב י״ב:כ״ב
מגלה עמקות מני חשך ויצא לאור צלמות׃
אִיּוֹב י״ב:כ״ג
משגיא לגוים ויאבדם שטח לגוים וינחם׃
אִיּוֹב י״ב:כ״ד
מסיר לב ראשי עם הארץ ויתעם בתהו לא דרך׃
אִיּוֹב י״ב:כ״ה
ימששו חשך ולא אור ויתעם כשכור׃
אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים א׳:י״ט
יען אשר דעת האלהים גלויה בקרבם כי האלהים הודיעם אותה׃
אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים א׳:כ׳
כי מהותו הנעלמה היא כחו הנצחי ואלהותו מעת נברא העולם תודע במעשים ותראה לבלתי היות להם להתנצל׃