פסוקים על Access to God: Saints earnestly seek

אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

¶ למנצח משכיל לבני קרח כאיל תערג על אפיקי מים כן נפשי תערג אליך אלהים׃

צמאה נפשי לאלהים לאל חי מתי אבוא ואראה פני אלהים׃

שלח אורך ואמתך המה ינחוני יביאוני אל הר קדשך ואל משכנותיך׃

¶ למנצח על הגתית לבני קרח מזמור מה ידידות משכנותיך יהוה צבאות׃

נכספה וגם כלתה נפשי לחצרות יהוה לבי ובשרי ירננו אל אל חי׃