God

ירוין מדשן ביתך ונחל עדניך תשקם׃

כי עמך מקור חיים באורך נראה אור׃

משך חסדך לידעיך וצדקתך לישרי לב׃

בטח ביהוה ועשה טוב שכן ארץ ורעה אמונה׃

והתענג על יהוה ויתן לך משאלת לבך׃

גול על יהוה דרכך ובטח עליו והוא יעשה׃

והוציא כאור צדקך ומשפטך כצהרים׃

דום ליהוה והתחולל לו אל תתחר במצליח דרכו באיש עשה מזמות׃

כי מרעים יכרתון וקוי יהוה המה יירשו ארץ׃

אדני ישחק לו כי ראה כי יבא יומו׃

כי זרועות רשעים תשברנה וסומך צדיקים יהוה׃

יודע יהוה ימי תמימם ונחלתם לעולם תהיה׃

כי רשעים יאבדו ואיבי יהוה כיקר כרים כלו בעשן כלו׃

כי מברכיו יירשו ארץ ומקלליו יכרתו׃

מיהוה מצעדי גבר כוננו ודרכו יחפץ׃

כי יפל לא יוטל כי יהוה סומך ידו׃

כי יהוה אהב משפט ולא יעזב את חסידיו לעולם נשמרו וזרע רשעים נכרת׃

תורת אלהיו בלבו לא תמעד אשריו׃

יהוה לא יעזבנו בידו ולא ירשיענו בהשפטו׃

קוה אל יהוה ושמר דרכו וירוממך לרשת ארץ בהכרת רשעים תראה׃

ותשועת צדיקים מיהוה מעוזם בעת צרה׃

ויעזרם יהוה ויפלטם יפלטם מרשעים ויושיעם כי חסו בו׃

¶ מזמור לדוד להזכיר יהוה אל בקצפך תוכיחני ובחמתך תיסרני׃

כי חציך נחתו בי ותנחת עלי ידך׃

אין מתם בבשרי מפני זעמך אין שלום בעצמי מפני חטאתי׃