Ayoyin Littafi Mai Tsarki game da Longevity: General references

Saboda haka Allah ya ce masa, “Da yake ka nemi wannan ne, ba ka kuwa nemi tsawon rai ko arziki wa kanka ba, ba ka kuma nemi mutuwar abokan gābanka ba, amma ka nemi ganewa a aikata gaskiya,

zan yi abin da ka roƙa. Zan ba ka zuciya mai hikima da ta ganewa, har yă zama ba a taɓa samun wani kamar ka ba, ba kuwa za a taɓa samunsa ba.

Ban da haka ma, zan ba ka abin da ba ka nema ba; arziki da girma, don a rayuwarka ba za ka kasance da wani kamar ka ba a cikin sarakuna.

In kuma ka yi tafiya a hanyoyina, ka kuma yi biyayya da farillaina da umarnaina kamar yadda Dawuda mahaifinka ya yi, zan ba ka tsawon rai.”

Ku zo, ’ya’yana, ku saurare ni; zan koya muku tsoron Ubangiji.

Duk waninku da yake ƙaunar rayuwa yana kuma so yă ga kwanaki masu kyau,

ka kiyaye harshenka daga mugunta da kuma leɓunanku daga faɗar ƙarairayi.

Ɗana, kada ka manta da koyarwata, amma ka kiyaye umarnaina a cikin zuciyarka,

gama za su ƙara maka tsawon rai da shekaru masu yawa su kuma kawo maka wadata.

Gama, “Duk wanda yake so yă ji daɗin rayuwa, yă kuma ga kwanaki masu kyau dole yă ƙame harshensa daga mugunta leɓunansa kuma daga maganar yaudara.

Dole yă juye daga mugunta, ya aikata nagarta; dole yă nemi salama yă kuma bi ta.