Zaburi17

Ombi la Kusikilizwa kwa Haki

1
Sala ya Daudi. Sikia, Ee Bwana, kusihi kwangu kwa haki, sikiliza kilio changu. Tega sikio kwa ombi langu, halitoki kwenye midomo ya udanganyifu.
2
Hukumu yangu na itoke kwako, macho yako na yaone yale yaliyo haki.
3
Ingawa unauchunguza moyo wangu na kunikagua usiku, ingawa umenijaribu, hutaona chochote. Nimeamua kwamba kinywa changu hakitatenda dhambi.
4
Kuhusu matendo ya wanadamu: kwa neno la midomo yako, nimejiepusha na njia za wenye jeuri.
5
Hatua zangu zimeshikamana na njia zako; nyayo zangu hazikuteleza.

Ujasiri katika Ulinzi wa Mungu

6
Ee Mungu, ninakuita, kwa kuwa utanijibu, nitegee sikio lako na usikie ombi langu.
7
Uonyeshe ajabu ya upendo wako mkuu, wewe uokoaye kwa mkono wako wa kuume wale wanaokukimbilia kutokana na adui zao.
8
Nilinde kama mboni ya jicho lako, unifiche chini ya kivuli cha mbawa zako
9
kutokana na waovu wanaonishambulia, kutokana na adui wauaji wanaonizunguka.

Kiburi cha Maadui

10
Huifunga mioyo yao iliyo migumu, vinywa vyao hunena kwa majivuno.
11
Wamenifuatia nyayo zangu, sasa wamenizingira, wakiwa macho, waniangushe chini.
12
Wamefanana na simba mwenye njaa awindaye, kama simba mkubwa anyemeleaye mafichoni.

Ombi la Mwisho na Tumaini la Milele

13
Inuka, Ee Bwana, pambana nao, uwaangushe, niokoe kutokana na waovu kwa upanga wako.
14
Ee Bwana, mkono wako uniokoe na watu wa jinsi hii, kutokana na watu wa ulimwengu huu ambao fungu lao liko katika maisha haya. Na wapate adhabu ya kuwatosha. Watoto wao na wapate zaidi ya hayo, hukumu na iendelee kwa watoto wa watoto wao.
15
Na mimi katika haki nitauona uso wako, niamkapo, nitaridhika kwa kuona sura yako.
Use ← → arrow keys to navigate
Settings

Reading Style

Typeface

Font Size 19px

Options