Zabura149

Kiran Yabo Cikin Farin Ciki

Yabi Ubangiji. Ku rera sabuwar waƙa ga Ubangiji, yabonsa a cikin taron tsarkaka.

Bari Isra’ila su yi farin ciki da Mahaliccinsu; bari mutanen Sihiyona su yi murna da Sarkinsu.

Bari su yabi sunansa tare da rawa suna kuma yin kiɗi gare shi da ganga da garaya.

Gama Ubangiji yana jin daɗin mutanensa; yakan darjanta masu sauƙinkai da ceto.

Bari tsarkaka su yi farin ciki a wannan bangirma su kuma rera don farin ciki a kan gadajensu.

Bari yabon Allah yă kasance a bakunansu takobi mai kaifi kuma a hannuwansu,

don su ɗau fansa a kan al’ummai da kuma hukunci a kan mutane,

don su ɗaura sarakuna da sarƙoƙi, manyan garinsu da sarƙoƙin ƙarfe,

don su yi hukuncin da aka rubuta a kansu. Wannan ne ɗaukakar dukan tsarkakansa. Yabi Ubangiji.

Use ← → arrow keys to navigate