תְהִלִּיםקמ״ט

קריאה להלל בשמחה

א׳
הללו יה שירו ליהוה שיר חדש תהלתו בקהל חסידים׃
ב׳
ישמח ישראל בעשיו בני ציון יגילו במלכם׃
ג׳
יהללו שמו במחול בתף וכנור יזמרו לו׃
ד׳
כי רוצה יהוה בעמו יפאר ענוים בישועה׃
ה׳
יעלזו חסידים בכבוד ירננו על משכבותם׃

החסידים עושים משפט אלוהי

ו׳
רוממות אל בגרונם וחרב פיפיות בידם׃
ז׳
לעשות נקמה בגוים תוכחת בל אמים׃
ח׳
לאסר מלכיהם בזקים ונכבדיהם בכבלי ברזל׃
ט׳
לעשות בהם משפט כתוב הדר הוא לכל חסידיו הללו יה׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options