Zabura122

Isowa Urushalima Cikin Farin Ciki

1
Waƙar haurawa. Ta Dawuda. Na yi farin ciki tare da waɗanda suka ce da ni, “Bari mu tafi gidan Ubangiji.”
2
Ƙafafunmu suna tsaye a ƙofofinki, ya Urushalima.

Manufar Birni Mai Tsarki

3
An gina Urushalima kamar birnin da aka yi a harhaɗe wuri guda.
4
A can ne kabilu suke haurawa, kabilan Ubangiji, don su yabi sunan Ubangiji bisa ga farillan da aka ba wa Isra’ila.
5
A can kursiyoyin shari’a yake tsaye, kursiyoyin gidan Dawuda.

Kiran Neman Salamar Urushalima

6
Ku yi addu’a don salamar Urushalima, “Bari waɗanda suke ƙaunarki su zauna lafiya.
7
Bari salama ta kasance a katangarki zaman lafiya kuma a fadodinki.”
8
Saboda ’yan’uwana da kuma abokaina, zan ce, “Salama tă kasance tare da ke.”
9
Saboda gidan Ubangiji Allahnmu, zan nemi wadatarki.
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options