תְהִלִּיםקכ״ב

הגעה בשמחה לירושלים

א׳
שיר המעלות לדוד שמחתי באמרים לי בית יהוה נלך׃
ב׳
עמדות היו רגלינו בשעריך ירושלם׃

ייעודה של עיר הקודש

ג׳
ירושלם הבנויה כעיר שחברה לה יחדו׃
ד׳
ששם עלו שבטים שבטי יה עדות לישראל להדות לשם יהוה׃
ה׳
כי שמה ישבו כסאות למשפט כסאות לבית דויד׃

קריאה לבקש את שלום ירושלים

ו׳
שאלו שלום ירושלם ישליו אהביך׃
ז׳
יהי שלום בחילך שלוה בארמנותיך׃
ח׳
למען אחי ורעי אדברה נא שלום בך׃
ט׳
למען בית יהוה אלהינו אבקשה טוב לך׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options