యోబు 37:10-20
10
దేవుని ఊపిరి మంచును పుట్టిస్తుంది, మహా సముద్ర ఉపరితలాలు గడ్డకడతాయి.
11
ఆయన దట్టమైన మేఘాలను తేమతో నింపుతారు; మేఘాలలో తన మెరుపులను వ్యాపింపజేస్తారు.
12
భూమి అంతటి ఉపరితలం మీద ఆయన ఆజ్ఞాపించిన వాటన్నిటిని చేయడానికి, ఆయన నిర్దేశించిన మార్గంలో అవి చుట్టూ తిరుగుతాయి.
13
ప్రజలను శిక్షించడానికి లేదా తన భూమికి నీళ్లు పోయడానికి, తన ప్రేమను చూపించడానికి ఆయన మేఘాలను రప్పిస్తారు.
14
“యోబూ, ఇది విను; ఆగి దేవుని అద్భుతాలను గురించి ఆలోచించు.
15
దేవుడు మేఘాలను ఎలా అదుపు చేస్తారో తన మెరుపులను ఎలా ప్రకాశింపజేస్తారో నీకు తెలుసా?
16
మేఘాలు ఎలా సమతుల్యంగా వ్రేలాడుతున్నాయో, పరిపూర్ణ జ్ఞానం గలవాని అద్భుతకార్యాలు నీకు తెలుసా?
17
దక్షిణపుగాలికి భూమి ప్రశాంతంగా ఉన్నప్పుడు మీ బట్టలలో మీకు చెమట పడుతుంది,
18
ఇత్తడితో పోతపోసిన అద్దంలా, ఆకాశాలను విస్తరింపజేయడంలో ఆయనతో నీవు జత కలుస్తావా?
19
“మేము ఆయనతో ఏమి మాట్లాడాలో మాకు చెప్పు; మా చీకటిని బట్టి మా వాదనను సరిగా వినిపించలేము.
20
నేను మాట్లాడతాను అని ఆయనకు చెప్పబడాలా? మ్రింగివేయబడటానికి ఎవరైనా అడుగుతారా?
Settings