యోబుపై ఎలీఫజు చివరి నింద

యోబు 22:1-5

అప్పుడు తేమానీయుడైన ఎలీఫజు ఇలా జవాబిచ్చాడు:

“ఒక మనిషి దేవునికేమైనా ప్రయోజనం చేయగలడా? ఒక జ్ఞానియైన వ్యక్తైనా సరే ఆయనకు ప్రయోజనం చేయగలడా?

నీవు నీతిమంతుడవైతే సర్వశక్తిమంతునికి కలిగే ఆనందమేమిటి? నీ మార్గాలు నిందలేనివైతే ఆయనకు వచ్చే లాభం ఏమిటి?

“నీకున్న భయభక్తులను బట్టి ఆయన నిన్ను గద్దిస్తారా? దేవుడు నిన్ను తీర్పులోకి తెస్తారా?

నీ దుష్టత్వం గొప్పది కాదా? నీ పాపాలు అంతులేనివి కావా?