యోబు 19:13-19

“ఆయన నా సహోదరులను నాకు దూరం చేశారు; నా పరిచయస్థులందరూ నాకు పూర్తిగా పరాయివారయ్యారు.

నా బంధువులు నా నుండి దూరంగా వెళ్లిపోయారు; నా ప్రాణస్నేహితులు నన్ను మరచిపోయారు.

నా అతిథులకు నా ఇంటి పనికత్తెలకు నేను విదేశీయునిగా ఉన్నాను; పరాయివానిగా చూసినట్లు వారు నన్ను చూస్తున్నారు.

నేను పనివాన్ని పిలిచినా, నేను వాన్ని బ్రతిమాలినా, వాడు పలకడం లేదు.

నా శ్వాస కూడా నా భార్యకు అసహ్యం కలిగిస్తుంది; నా కుటుంబం నన్ను అసహ్యించుకుంటుంది.

చిన్నపిల్లలు కూడా నన్ను దూషిస్తున్నారు; నేను కనిపిస్తే నన్ను ఎగతాళి చేస్తున్నారు.

నా ప్రాణస్నేహితులంతా నన్ను అసహ్యించుకుంటున్నారు; నేను ప్రేమించినవారు నా మీద తిరగబడుతున్నారు.