Zaburi 38:15-22
15
Ee Bwana, ninakungojea wewe, Ee Bwana Mungu wangu, utajibu.
16
Kwa kuwa nilisema, “Usiwaache wafurahie, wala wasijitukuze juu yangu mguu wangu unapoteleza.”
17
Kwa maana ninakaribia kuanguka, na maumivu yangu yananiandama siku zote.
18
Naungama uovu wangu, ninataabishwa na dhambi yangu.
19
Wengi ni wale ambao ni adui zangu hodari, wale wanaonichukia bila sababu ni wengi.
20
Wanaolipa maovu kwa wema wangu hunisingizia ninapofuata lililo jema.
21
Ee Bwana, usiniache, usiwe mbali nami, Ee Mungu wangu.
22
Ee Bwana Mwokozi wangu, uje upesi kunisaidia.
Maandiko ya Biblia: Biblica® Open Kiswahili Contemporary Version (Neno: Bibilia Takatifu)™, © 1984, 1989, 2009, 2015 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.