Madhara ya Kumfuata Mwanamke Mzinzi

Mithali 5:7-14

Sasa basi wanangu, nisikilizeni; msiache ninalowaambia.

Njia zenu ziwe mbali naye, msiende karibu na mlango wa nyumba yake,

usije ukatoa nguvu zako nzuri kwa wengine na miaka yako kwa aliye mkatili,

wageni wasije wakasherehekea utajiri wako na jitihada yako ikatajirisha nyumba ya mwanaume mwingine.

Mwishoni mwa maisha yako utalia kwa uchungu, wakati nyama na mwili wako vimechakaa.

Utasema, “Tazama jinsi gani nilivyochukia adhabu! Tazama jinsi moyo wangu ulivyodharau maonyo!

Sikuwatii walimu wangu wala kuwasikiliza wakufunzi wangu.

Nimefika ukingoni mwa maangamizi kabisa katikati ya kusanyiko lote.”