Ayubu 38:35-41
35
Je, wewe hutuma umeme wa radi kwenye njia zake? Je, hutoa taarifa kwako kukuambia, ‘Sisi tuko hapa’?
36
Ni nani aliyeujalia moyo hekima au kuzipa akili ufahamu?
37
Nani mwenye hekima ya kuyahesabu mawingu? Ni nani awezaye kuinamisha magudulia ya mbinguni
38
wakati mavumbi yawapo magumu, na mabonge ya udongo kushikamana pamoja?
39
“Je, utamwindia simba jike mawindo, na kuwashibisha simba wenye njaa
40
wakati wao wamejikunyata mapangoni mwao, au wakivizia kichakani?
41
Ni nani ampaye kunguru chakula wakati makinda yake yanamlilia Mungu, yakizungukazunguka kwa ajili ya kukosa chakula?
Maandiko ya Biblia: Biblica® Open Kiswahili Contemporary Version (Neno: Bibilia Takatifu)™, © 1984, 1989, 2009, 2015 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.