Zelli dhe ndershmëria në tregti

Fjalët e Urta 20:13-19

Mos e duaj gjumin që të mos varfërohesh; mbaji sytë hapur dhe do të kesh bukë sa të ngopesh.

"Éshtë i keq, është i keq", thotë blerësi; por mbasi ai ka ikur, lavdërohet për blerjen.

Ka flori dhe margaritarë të shumtë, por buzët e pasura me dije janë një xhevahir i çmuar.

Merr rroben e atij që është bërë garant për një të huaj, dhe mbaje si peng për gruan e huaj.

Buka e nxjerrë me hile është e ëmbël për njeriun, por pastaj goja e tij do të mbushet me zaje.

Planet bëhen të qëndrueshme nga këshilla; prandaj bëje luftën me këshilla të urta.

Ai që shkon poshtë e lart duke përfolur tregon sekretet; prandaj mos u shoqëro me atë që flet tepër.