गीतरत्न २:८-१३

८

ऐका! माझ्या प्रियांनो! पाहा! तो येत आहे, डोंगरामधून उड्या मारत, टेकड्यांवरून बागडत येत आहे.

९

माझा प्रियकर हरिणीसारखा किंवा तिच्या वत्सासारखा आहे. पाहा, तो तिथे आमच्या भिंतीआड उभा राहून, खिडक्यांतून न्याहळत आहे, जाळीतून डोकावीत आहे.

१०

माझा प्रियतम मला म्हणाला, “माझ्या प्रिये, ऊठ, माझ्या सुंदरी, माझ्याबरोबर ये.

११

पाहा! हिवाळा संपला आहे; आता पाऊससुद्धा होऊन गेला.

१२

पृथ्वीवर फुले उमलली आहेत; गाण्याचा ऋतू आला आहे, कबुतरांचे गीत आमच्या देशात ऐकू येत आहे.

१३

अंजिराच्या झाडाची फळे लागली आहेत; आणि द्राक्षवेलींच्या फुलांचा सुगंध दरवळत आहे. ऊठ, ये, माझ्या प्रिये; माझ्या सुंदरी, माझ्याबरोबर ये.”