TRV
लूक २१:१२-१९
१२
“तरी हे सर्व घडण्यापूर्वी, ते तुम्हाला पकडून तुमचा छळ करतील. माझ्या नावामुळे तुम्हाला सभागृहामध्ये नेतील व तुरुंगात टाकतील आणि तुम्हाला राज्यपाल आणि राजे यांच्यापुढे आणण्यात येईल.
१३
यामुळे तुम्हाला त्यांच्यापुढे माझे साक्षी व्हावे लागेल.
१४
तेव्हा स्वतःचा बचाव कसा करावा व काय बोलावे याविषयी आधी चिंता करू नका.
१५
कारण मी तुम्हाला योग्य शब्द आणि सुज्ञपणाचे विचार सुचवेन की ज्यास तुमचे शत्रू तुम्हाला अडविण्यास किंवा त्याचे खंडन करण्यास असमर्थ ठरतील.
१६
आईवडील, भाऊ आणि बहीण, नातेवाईक आणि मित्र, देखील तुमचा विश्वासघात करतील व तुम्हापैकी काहींना जिवे मारतील.
१७
माझ्यामुळे सर्वजण तुमचा द्वेष करतील.
१८
परंतु तुमच्या डोक्यावरील एका केसाचा देखील नाश होणार नाही.
१९
खंबीरपणे उभे राहा, म्हणजे जीवन मिळवाल.
Settings