इय्योब २३:३-९

३

परमेश्वर कुठे आढळेल हे जर मला माहीत असते; मी जर त्यांच्या निवासस्थानापर्यंत जाऊ शकलो असतो!

४

तर माझा वाद मी त्यांच्यापुढे ठेवली असता माझी बाजू त्यांच्यापुढे सविस्तर मांडली असती.

५

ते मला काय उत्तर देतील हे मी बघेन, आणि त्यांचे म्हणणे मी स्वीकारेन.

६

मोठ्या जोमाने ते माझा विरोध करतील काय? नाही, ते नक्कीच मला दोष लावणार नाहीत.

७

सज्जन त्यांच्यासमोर आपली निर्दोषता सिद्ध करू शकतो, आणि माझ्या न्यायाधीशापासून सर्वकाळासाठी माझी सुटका होईल.

८

“परंतु मी जर पूर्वेकडे गेलो तर परमेश्वर तिथे नाही; आणि पश्चिमेकडे गेलो, तिथेही ते मला सापडत नाहीत.

९

जेव्हा ते उत्तरेकडे कार्यरत असतात, तरी मला ते दिसत नाहीत; जेव्हा ते दक्षिणेकडे वळतात, तेव्हा मला ते ओझरतेही दिसत नाहीत.