इय्योब २३:१-७

१

मग इय्योबाने उत्तर दिले:

२

“आज देखील माझे गार्‍हाणे कडू आहे; मी कण्हत असतानाही परमेश्वराचा हात माझ्यावर भारी आहे.

३

परमेश्वर कुठे आढळेल हे जर मला माहीत असते; मी जर त्यांच्या निवासस्थानापर्यंत जाऊ शकलो असतो!

४

तर माझा वाद मी त्यांच्यापुढे ठेवली असता माझी बाजू त्यांच्यापुढे सविस्तर मांडली असती.

५

ते मला काय उत्तर देतील हे मी बघेन, आणि त्यांचे म्हणणे मी स्वीकारेन.

६

मोठ्या जोमाने ते माझा विरोध करतील काय? नाही, ते नक्कीच मला दोष लावणार नाहीत.

७

सज्जन त्यांच्यासमोर आपली निर्दोषता सिद्ध करू शकतो, आणि माझ्या न्यायाधीशापासून सर्वकाळासाठी माझी सुटका होईल.