המסר אל הקהילה בתיאטירה

י״ח

ואל מלאך קהל תיאטירא כתב כה אמר בן האלהים אשר עיניו כלבת אש ומרגלתיו כעין נחשת קלל׃

י״ט

ידעתי את מעשיך ואהבתך ואמונתך ועבורתך וסבלך וכי מעשיך האחרונים רבים הם מן הראשנים׃

כ׳

אך מעט יש לי עליך כי תניח את האשה איזבל האמרת כי היא נביאה ללמד ולהתעות את עבדי לזנות ולאכל זבחי אלילים׃

כ״א

ואתן לה זמן לשוב והיא מאנה לשוב מתזנותיה׃

כ״ב

הנני מפיל אתה על מטה ואת המנאפים אתה בצרה גדולה אם לא ישובו ממעשיהם׃

כ״ג

והרגתי במות את בניה וידעו כל הקהלות כי אני חקר כליות ולב ונתתי לכם לכל איש כפרי מעלליו׃

כ״ד

אבל אמר אני לכם ולשאר הנמצאים בתיאטירא כל אשר אין להם הלקח ההוא ולא ידעו את עמקות השטן כאשר הם מתהללים לא אשים עליכם משא אחר׃

כ״ה

אפס מה שיש לכם החזיקו בו עד כי אבוא׃

כ״ו

והמנצח ושמר את מעשי עד עת קץ אתן לו שלטן על הגוים׃

כ״ז

ורעם בשבט ברזל ככלי יוצר ינפצו כאשר קבלתי גם אנכי מאת אבי׃

כ״ח

ונתתי לו כוכב השחר׃

כ״ט

מי אשר אזן לו ישמע את אשר הרוח אמר לקהלות׃