סוד החיה והאישה

חזוֹן יוֹחָנָן י״ז:ז׳-י״ד

ז׳

ויאמר אלי המלאך למה זה השתוממת אני אמר לך את סוד האשה והחיה הנשאת אתה בעלת שבעת הראשים ועשרת הקרנים׃

ח׳

החיה אשר ראיתה היתה ואיננה ועתידה לעלות מן התהום וללכת לאבדון וישבי הארץ אשר שמם איננו נכתב בספר החיים מיום הוסד תבל ישתוממו בראתם את החיה אשר היתה ואיננה ותבוא׃

ט׳

בזה להבין לאשר לו חכמה שבעת הראשים שבעת הרים המה אשר האשה ישבת עליהם׃

י׳

ושבעה מלכים המה חמשה מהם נפלו והאחד ישנו והאחר עוד לא בא והיה כי יבוא עמד יעמד לעת מעט׃

י״א

והחיה אשר היתה ואיננה הוא השמיני והוא מן השבעה וילך לאבדון׃

י״ב

ועשר הקרנים אשר ראית עשרה מלכים הם אשר לא קבלו מלכות עד הנה רק לשעה אחת ממשלה כמלכים יקבלו עם החיה׃

י״ג

ולאלה עצה אחת ואת כחם ואת ממשלתם יתנו לחיה׃

י״ד

המה ילחמו בשה והשה יכול יוכל להם כי הוא אדני האדנים ומלך המלכים ועמו הקרואים והבחירים והנאמנים׃

סוד החיה והאישה

Reading Style

Typeface

Font Size 19px

Reading Width 45 chars

Options