תְהִלִּים ק״ו:כ״ג-ל״ב

כ״ג

ויאמר להשמידם לולי משה בחירו עמד בפרץ לפניו להשיב חמתו מהשחית׃

כ״ד

וימאסו בארץ חמדה לא האמינו לדברו׃

כ״ה

וירגנו באהליהם לא שמעו בקול יהוה׃

כ״ו

וישא ידו להם להפיל אותם במדבר׃

כ״ז

ולהפיל זרעם בגוים ולזרותם בארצות׃

כ״ח

ויצמדו לבעל פעור ויאכלו זבחי מתים׃

כ״ט

ויכעיסו במעלליהם ותפרץ בם מגפה׃

ל׳

ויעמד פינחס ויפלל ותעצר המגפה׃

ל״א

ותחשב לו לצדקה לדר ודר עד עולם׃

ל״ב

ויקציפו על מי מריבה וירע למשה בעבורם׃