משא בלעם השני: נאמנות האל

בְּמִדְבַּר כ״ג:י״ח-כ״ו

י״ח

וישא משלו ויאמר קום בלק ושמע האזינה עדי בנו צפר׃

י״ט

לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃

כ׳

הנה ברך לקחתי וברך ולא אשיבנה׃

כ״א

לא הביט און ביעקב ולא ראה עמל בישראל יהוה אלהיו עמו ותרועת מלך בו׃

כ״ב

אל מוציאם ממצרים כתועפת ראם לו׃

כ״ג

כי לא נחש ביעקב ולא קסם בישראל כעת יאמר ליעקב ולישראל מה פעל אל׃

כ״ד

הן עם כלביא יקום וכארי יתנשא לא ישכב עד יאכל טרף ודם חללים ישתה׃

כ״ה

ויאמר בלק אל בלעם גם קב לא תקבנו גם ברך לא תברכנו׃

כ״ו

ויען בלעם ויאמר אל בלק הלא דברתי אליך לאמר כל אשר ידבר יהוה אתו אעשה׃