בת השליט והאישה החולה

י״ח

ויהי הוא מדבר אליהם את אלה והנה אחד השרים בא וישתחו לו ויאמר עתה זה מתה בתי בא נא ושים את ידך עליה ותחיה׃

י״ט

ויקם ישוע וילך אחריו הוא ותלמידיו׃

כ׳

והנה אשה זבת דם שתים עשרה שנה נגשה מאחריו ותגע בציצת בגדו׃

כ״א

כי אמרה בלבה אך אם אגע בבגדו אושע׃

כ״ב

ויפן ישוע וירא אותה ויאמר חזקי בתי אמונתך הושיעה לך ותושע האשה מן השעה ההיא׃

כ״ג

ויבא ישוע אל בית השר וירא את המחללים בחלילים ואת העם ההומה ויאמר׃

כ״ד

סורו מפה כי לא מתה הילדה אך ישנה היא וישחקו לו׃

כ״ה

ויהי אחרי גרש העם ויבא הביתה ויאחז בידה ותקם הנערה׃

כ״ו

ותצא השמועה הזאת בכל הארץ ההיא׃