המוות והתוצאות המיידיות

מתיו כ״ז:נ״א-נ״ו

נ״א

והנה נקרעה פרכת ההיכל מלמעלה למטה לשנים קרעים והארץ נרעשה והסלעים נבקעו׃

נ״ב

והקברים נפתחו ורבים מגופות הקדושים ישני אדמת עפר נעורו׃

נ״ג

ויצאו מן הקברים אחרי הקיצו ויבאו אל העיר הקדושה ויראו לרבים׃

נ״ד

ושר המאה והאנשים אשר אתו השמרים את ישוע כראותם את הרעש ואת אשר נהיתה נבהלו מאד ויאמרו אכן זה היה בן אלהים׃

נ״ה

ותהיינה שם נשים רבות הראות מרחוק אשר הלכו אחרי ישוע מן הגליל לשרתו׃

נ״ו

ובתוכן מרים המגדלית ומרים אם יעקב ויוסי ואם בני זבדי׃