גדולה אמיתית: הנהגת משרת

ל״ה

ויקרבו אליו יעקב ויוחנן בני זבדי ויאמרו רבי אותה נפשנו כי תעשה לנו את אשר נשאל ממך׃

ל״ו

ויאמר אליהם מה אויתם כי אעשה לכם׃

ל״ז

ויאמרו אליו תנה לנו לשבת אחד לימינך ואחד לשמאלך בכבודך׃

ל״ח

ויאמר אליהם ישוע לא ידעתם את אשר שאלתם היכל תוכלו לשתות את הכוס אשר אני שתה ולהטבל בטבילה אשר אני נטבל בה׃

ל״ט

ויאמרו אליו נוכל ויאמר אליהם ישוע את הכוס אשר אני שתה תשתו ובטבילה אשר אני נטבל בה תטבלו׃

מ׳

אך שבת לימיני ולשמאלי אין בידי לתתה בלתי לאשר הוכן להם׃

מ״א

ויהי כשמע זאת העשרה ויחלו לכעוס על יעקב ויוחנן׃

מ״ב

ויקרא להם ישוע ויאמר אליהם אתם ידעתם כי הנחשבים לשרי הגוים הם רדים בהם וגדוליהם שולטים עליהם׃

מ״ג

ואתם לא כן ביניכם כי אם החפץ להיות גדול ביניכם יהיה לכם למשרת׃

מ״ד

והחפץ להיות בכם ראשון יהיה עבד לכל׃

מ״ה

כי בן האדם אף הוא לא בא למען ישרתוהו כי אם לשרת ולתת את נפשו כפר תחת רבים׃