סנט מארק י׳:ב׳-ט׳

ב׳

ויגשו אליו הפרושים וישאלהו אם יוכל איש לשלח את אשתו והם מנסים אתו׃

ג׳

ויען ויאמר אליהם מה צוה אתכם משה׃

ד׳

ויאמרו משה התיר לכתב ספר כריתת ולשלח׃

ה׳

ויען ישוע ויאמר אליהם בעבור קשי לבבכם כתב לכם את המצוה הזאת׃

ו׳

אבל מראשית הבריאה זכר ונקבה עשה אתם אלהים׃

ז׳

על כן יעזב איש את אביו ואת אמו ודבק באשתו׃

ח׳

והיו שניהם לבשר אחד ואם כן אפוא אינם עוד שנים כי אם בשר אחד׃

ט׳

לכן את אשר חבר אלהים לא יפרידנו אדם׃