ריפוי הנער אחוז השד

הבְּשׂוֹרָה הַקְּדוֹשָׁה עַל־פִּי לוּקָס ט׳:ל״ז-מ״ג

ל״ז

ויהי ממחרת ברדתם מן ההר ויצא עם רב לקראתו׃

ל״ח

והנה איש אחד מן העם צעק לאמר אנא רבי פנה נא אל בני כי יחיד הוא לי׃

ל״ט

והנה רוח אחז בו ופתאם הוא מצעק והרוח מרוצץ אתו בהוריד רירו ומקשה לסור ממנו ובסורו ידכא אתו׃

מ׳

ואבקש מתלמידיך לגרשו ולא יכלו׃

מ״א

ויען ישוע ויאמר הוי דור חסר אמונה ופתלתל עד מתי אהיה עמכם ואסבל אתכם הבא הנה את בנך׃

מ״ב

ויהי אך הקריב לבוא וירעצהו השד וירוצצהו וישוע גער ברוח הטמא וירפא את הנער וישיבהו לאביו׃

מ״ג

וישתוממו כלם על גדלת האלהים ויהי בתמהם כלם על כל אשר עשה ויאמר ישוע אל תלמידיו׃