TRV
הבְּשׂוֹרָה הַקְּדוֹשָׁה עַל־פִּי לוּקָס כ״א:כ״ט-ל״ו
כ״ט
וידבר אליהם משל ראו את התאנה ואת כל העצים׃
ל׳
כי תראו אתם מוציאים את פרחם הלא ידעתם כי קרב הקיץ׃
ל״א
ככה אף אתם בבא אלה לעיניכם דעו כי קרובה מלכות האלהים׃
ל״ב
אמן אמר אני לכם לא יעבר הדור הזה עד כי יהיה הכל׃
ל״ג
השמים והארץ יעברו ודברי לא יעברון׃
ל״ד
רק השמרו לכם פן יכבד לבבכם בסבא ובשכרון ובדאגות המחיה ובא עליכם היום ההוא פתאם׃
ל״ה
כי כמו פח יבוא על כל הישבים על פני כל הארץ׃
ל״ו
לכן שקדו בכל עת והתפללו למען תעצרו כח להמלט מכל העתידות האלה ולהתיצב לפני בן האדם׃
Settings