אל תהיו מודאגים

כ״ב

ויאמר אל תלמידיו לכן אני אמר לכם אל תדאגו לנפשכם מה תאכלו ולגופכם מה תלבשו׃

כ״ג

הנפש יקרה היא מן המזון והגוף יקר מן המלבוש׃

כ״ד

התבוננו אל הערבים אשר אינם זרעים ואינם קצרים וגם אין להם מגורה ואוצר והאלהים מכלכל אותם ומה מעלים אתם מן העוף׃

כ״ה

ומי זה מכם אשר בדאגתו יוכל להוסיף אמה אחת על קומתו׃

כ״ו

ועתה הן מעט מזער אין ביכלתכם וליותר מה תדאגו׃

כ״ז

התבוננו אל השושנים הצמחות ואינן טות ואינן ארגות ואני אמר לכם כי גם שלמה בכל הדרו לא היה לבוש כאחת מהנה׃

כ״ח

ואם ככה ילביש אלהים את חציר השדה אשר היום ישנו ומחר ישלך לתוך התנור אף כי אתכם קטני האמונה׃

כ״ט

גם אתם אל תדרשו מה תאכלו ומה תשתו ואל תהלכו בגדלות׃

ל׳

כי את כל אלה מבקשים גויי הארץ ואביכם הוא יודע כי צריכים אתם לאלה׃

ל״א

אך בקשו את מלכות האלהים ונוסף לכם כל אלה׃