TRV
הבְּשׂוֹרָה הַקְּדוֹשָׁה עַל־פִּי לוּקָס י״א:ט״ז-כ״ח
ט״ז
ויש אשר נסוהו וישאלו ממנו אות מן השמים׃
י״ז
והוא ידע את מחשבותם ויאמר אליהם כל ממלכה הנחלקה על עצמה תחרב ובית יפל על בית׃
י״ח
וגם השטן אם נחלק על עצמו איככה תכון ממלכתו כי אמרתם שבבעל זבוב מגרש אני את השדים׃
י״ט
ואם אני מגרש את השדים בבעל זבוב בניכם במי הם מגרשים אתם על כן המה יהיו שפטיכם׃
כ׳
ואם באצבע אלהים מגרש אני את השדים הנה הגיעה אליכם מלכות האלהים׃
כ״א
בהיות הגבור שמר את חצרו והוא מזין והיה רכושו שלום׃
כ״ב
ואם יבוא עליו חזק ממנו ותקפו ישא ממנו את נשקו אשר בטח בו ואת מלקחו יחלק׃
כ״ג
כל אשר איננו אתי הוא לנגדי ואשר איננו מאסף אתי הוא מפזר׃
כ״ד
הרוח הטמאה אחרי צאתה מן האדם תשוטט במקמות ציה לבקש לה מנוחה ולא תמצא אז תאמר אשובה נא אל ביתי אשר יצאתי משם׃
כ״ה
ובבואה תמצא אתו מטאטא ומהדר׃
כ״ו
ואחר תלך ולקחה שבע רוחות אחרות רעות ממנה ובאו ושכנו שם והיתה אחרית האדם ההוא רעה מראשיתו׃
כ״ז
ויהי כדברו את הדברים האלה ואשה אחת מן העם נשאה את קולה ותאמר אליו אשרי הבטן אשר נשאתך והשדים אשר ינקת׃
כ״ח
והוא אמר ואף כי אשרי השמעים והשמרים את דבר האלהים׃
Settings