האיש מגן על ישוע ומגורש

ג'ון ט׳:כ״ד-ל״ד

כ״ד

ויקראו שנית לאיש אשר היה עור ויאמרו אליו תן כבוד לאלהים אנחנו ידענו כי האיש הזה חטא הוא׃

כ״ה

ויען ויאמר אם האיש חטא הוא אינני ידע אחת ידעתי כי עור הייתי ועתה הנני ראה׃

כ״ו

ויאמרו אליו עוד מה עשה לך איכה פקח עיניך׃

כ״ז

ויען אתם כבר אמרתי לכם הלא שמעתם ומה לכם לשמע שנית התאבו גם אתם להיות תלמידיו׃

כ״ח

ויחרפו אתו ויאמרו אתה תלמידו ואנחנו תלמידיו של משה׃

כ״ט

אנחנו יודעים כי אל משה דבר האלהים ואת זה לא ידענו מאין הוא׃

ל׳

ויען האיש ויאמר אליהם זאת היא הפלא ופלא כי לא ידעתם מאין הוא והוא פקח את עיני׃

ל״א

והנה ידענו כי את החטאים לא ישמע אל כי אם את ירא האלהים ועשה רצונו אתו ישמע׃

ל״ב

מעולם לא נשמע כי פקח איש עיני עור מרחם׃

ל״ג

לולא היה זה מאת אלהים לא היה יכל לעשות מאומה׃

ל״ד

ויענו ויאמרו אליו הן בחטאים נולדת כלך ואתה תלמדנו ויהדפהו החוצה׃