TRV
ג'ון ז׳:א׳-י׳
א׳
¶ אחרי הדברים האלה הלך ישוע בארץ הגליל הלוך ועבור כי לא אבה להתהלך ביהודה על אשר בקשו היהודים להרגו׃
ב׳
ויקרב חג היהודים הוא חג הסכות׃
ג׳
ויאמרו אליו אחיו קום ולך מזה ארצה יהודה למען יראו גם תלמידיך את המעשים אשר אתה עשה׃
ד׳
כי לא יעשה איש דבר בסתר והוא חפץ להתפרסם לכן אם אתה עשה כאלה הגלה אל העולם׃
ה׳
כי אחיו גם הם לא האמינו בו׃
ו׳
ויאמר אליהם ישוע עתי לא באה עד עתה ועתכם תמיד נכונה׃
ז׳
לא יוכל העולם לשנוא אתכם ואתי ישנא באשר אני מעיד עליו כי רעים מעלליו׃
ח׳
עלו אתם לחג את החג אני לא אעלה אל החג הזה כי עתי לא מלאה עד עתה׃
ט׳
כזאת דבר וישב בגליל׃
י׳
ויהי כאשר עלו אחיו לרגל ויעל גם הוא לא בגלוי כי אם כמסתתר׃
Settings