ג'ון ו׳:א׳-י״ג (Hebrew)

א׳

¶ ויהי אחרי כן ויצא ישוע אל עבר ים הגליל אשר לטיבריה׃

ב׳

וילכו אחריו המון עם רב כי ראו אותתיו אשר עשה עם החולים׃

ג׳

ויעל ישוע על ההר וישב שם הוא ותלמידיו׃

ד׳

וימי הפסח חג היהודים קרבו לבוא׃

ה׳

וישא ישוע את עיניו וירא עם רב בא אליו ויאמר אל פילפוס מאין נקנה להם לחם לאכל׃

ו׳

ואך למען נסות אתו דבר זאת כי הוא ידע את אשר יעשה׃

ז׳

ויען אתו פילפוס לחם מאתים דינר לא ימצא להם לקחת לו איש איש מעט׃

ח׳

ויאמר אליו אחד מתלמידיו אנדרי אחי שמעון פטרוס׃

ט׳

יש פה נער אשר לו חמש ככרות לחם שערים ושני דגים אך אלה מה המה לעם רב כזה׃

י׳

ויאמר ישוע צוו את העם לשבת ארצה וירק דשא לרב היה במקום ההוא וישבו לארץ כחמשת אלפי איש במספר׃

י״א

ויקח ישוע את ככרות הלחם ויברך ויתן לתלמידיו והתלמידים אל המסבים וככה גם מן הדגים כאות נפשם׃

י״ב

ויהי כאשר שבעו ויאמר אל תלמידיו אספו את פתותי לחם הנותרים למען לא יאבד מאומה׃

י״ג

ויאספו וימלאו שנים עשר סלים בפתותי חמש ככרות לחם השערים הנותרים לאכליהם׃

ג'ון ו׳:א׳-י״ג