שלטונו וצדקתו הבלתי משוחדים של אלוהים

אִיּוֹב ל״ד:ט״ז-ל׳

ט״ז

ואם בינה שמעה זאת האזינה לקול מלי׃

י״ז

האף שונא משפט יחבוש ואם צדיק כביר תרשיע׃

י״ח

האמר למלך בליעל רשע אל נדיבים׃

י״ט

אשר לא נשא פני שרים ולא נכר שוע לפני דל כי מעשה ידיו כלם׃

כ׳

רגע ימתו וחצות לילה יגעשו עם ויעברו ויסירו אביר לא ביד׃

כ״א

כי עיניו על דרכי איש וכל צעדיו יראה׃

כ״ב

אין חשך ואין צלמות להסתר שם פעלי און׃

כ״ג

כי לא על איש ישים עוד להלך אל אל במשפט׃

כ״ד

ירע כבירים לא חקר ויעמד אחרים תחתם׃

כ״ה

לכן יכיר מעבדיהם והפך לילה וידכאו׃

כ״ו

תחת רשעים ספקם במקום ראים׃

כ״ז

אשר על כן סרו מאחריו וכל דרכיו לא השכילו׃

כ״ח

להביא עליו צעקת דל וצעקת עניים ישמע׃

כ״ט

והוא ישקט ומי ירשע ויסתר פנים ומי ישורנו ועל גוי ועל אדם יחד׃