יְשַׁעְיָהוּ מ״ג:י׳-ט״ז
י׳
אתם עדי נאם יהוה ועבדי אשר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה׃
י״א
אנכי אנכי יהוה ואין מבלעדי מושיע׃
י״ב
אנכי הגדתי והושעתי והשמעתי ואין בכם זר ואתם עדי נאם יהוה ואני אל׃
י״ג
גם מיום אני הוא ואין מידי מציל אפעל ומי ישיבנה׃
י״ד
כה אמר יהוה גאלכם קדוש ישראל למענכם שלחתי בבלה והורדתי בריחים כלם וכשדים באניות רנתם׃
ט״ו
אני יהוה קדושכם בורא ישראל מלככם׃
ט״ז
כה אמר יהוה הנותן בים דרך ובמים עזים נתיבה׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל